ខេត្តបន្ទាយមានជ័យ៖គណៈកម្មការគ្រិស្តបរិស័ទខេត្តបន្ទាយមានជ័យ សហការជាមួយ ក្រុមជំនុំ ម្កុដជីវិត មូលនិធីក្ដីស្រមៃកុមារ មកពីក្រុងភ្នំពេញដឹកនាំដោយ អ្នកគ្រូ អូមេការ បានចុះចែកជូនសម្ភារៈសិក្សា ដល់សិស្សានុសិស្ស ដែលកំពុង ដែលកំពុងសិក្សា នៅបឋមសិក្សា ក្នុងឃុំសំរោង ស្រុកអូរជ្រៅ ដែលជាកុមារមានភាពខ្វះខាត។
អ្នកគ្រូ អូមេហ្កា បានមានប្រសាសន៍ថា មូលនិធិនៃក្ដីស្រមៃកុមារ ដែលបានធ្វើការ ចុះចែកសម្ភារៈសិក្សា ដល់សិស្សានុសិស្សនៅក្នុងឱកាសនេះ គឺក្នុងគោលបំណង ផ្តល់នូវក្ដីអាណិតស្រឡាញ់ ដល់កុមារ ដែលកំពុងសិក្សារៀនសូត្រ បន្តជំរុញលើកទឹកចិត្ត ធ្វើយ៉ាងណាឲ្យបានដឹងថា ការស្ដារធនធានមនុស្ស ម្យ៉ាងវិញទៀតប្រទេសមួយមានធនធានមនុស្សចេះដឹងច្រើននោះប្រទេសនោះ នឹងគ្មានអំពើហិង្សាក្នុងគ្រួសារឬសង្គមជាតិនោះឡើយ ។
អ្នកគ្រូ អូ មេហ្កា បានបន្តថា ការលើកទឹកចិត្ត ដល់ក្មួយៗ និងសិស្សានុសិស្ស ក្នុងឱកាសនេះគឺជា សន្ដានចិត្តនៃក្ដីស្រឡាញ់ ធ្វើយ៉ាងណាឲ្យកូនៗ បានរៀនសូត្រក្រេបយកចំណេះដឹង ដែលជា ឃ្លាំងទ្រពដែលពុំចេះរីងស្ងួត។
លោក ហម ស៊ុយ ដែលជាប្រធានគណៈកម្មការគ្រិស្តបរិស័ទខេត្តបន្ទាយមានជ័យបានមានប្រសាសន៍ថា ការផ្តល់សម្ភារៈសិក្សាដល់ក្មួយៗ នៅក្នុងឱកាសនេះ គឺមាន ភាពតិចតួចក៏ពិតមែន តែជាទឹកចិត្តអាណិតស្រឡាញ់ ដូចបន្ទូលរបស់ព្រះយេស៊ូបានមានបន្ទូលថា ឲ្យយើងចេះស្រឡាញ់គ្នាទៅវិញទៅមកអំពីសេចក្ដីស្រឡាញ់តែងតែអត់ធ្មត់ ហើយសប្បុរស នៃក្ដីស្រឡាញ់មិនចេះឈ្នានីស មិនចេះអួតខ្លួនមិនរហ័សខឹង មិនប្រកាន់ខ្មៅស មិនអរសប្បាយចិត្តចំពោះសេចក្ដីទុកចិត្តនោះឡើយ។
លោកបានបន្តថា ថ្នាក់ ដឹកនាំគណៈកម្មការគ្រិស្តបរិស័ទប្រចាំខេត្តបន្ទាយមានជ័យ ជានិច្ចកាលតែងតែចូលរួមជាមួយរាជរដ្ឋាភិបាល និងរដ្ឋបាលខេត្តបន្ទាយមានជ័យ ក្នុងការចូលរួមចំណែកកាត់បន្ថយភាពក្រីក្ររបស់បងប្អូនប្រជាពលរដ្ឋ ក្នុងនោះក៏បានចូលរួមលើវិស័យមនុស្សធម៌វិស័យអប់រំនិង ហេដ្ឋារចនាសម្ព័ន្ធផ្សេងៗ។ គួរបញ្ជាក់ថាសម្ភារៈអំណោយដែលបានផ្តល់ជូនដល់សិស្សានុសិស្ស ទាំង ៣០០នាក់នៅក្នុងម្នាក់ៗទទួលបាន កាតាប១ សៀវភៅ៣ក្បាល ប៊ិក២ដើម ខ្មៅដៃ២ដើម បន្ទាត់១ លិខិតបណ្ណអប់រំកុមារមួយ និងដែកខួងចំនួនមួយ៕
